ولا زَعَّلَكْ ياجَميلْ
قصيدة ولا زَعَّلَكْ ياجَميلْ
. ولا زَعَّلَكْ ياجَميلْ
لو كُنت نَاوى تَطَيرْ
حَ اْفتحْ لَك الأبوابْ
وابعت مَعَاك حُرَّاسْ
من َقلبى وعيونى
وارْسَم نَخِيل وغُرْوبْ
والشُّمسْ نَازله تُقولْ
عَلَى كُلَّ سَطر لُموجْ
:..ظَهَرالِّلى كَان مَكتوبْ
ومشى ف طريق تانى. .
. رغْم الصَّفا والنُّورْ
ده طَريقنا كان مَبدورْ
بالورد وأمانى..!
مَ انا كُنتْ فاكرُه حبيبْ ..!
جالس تَملِى قريبْ ..!
يَحَْكى لى واحْكي لُه
عَ الِّلى بيجرى لى..!. .
. ياهلْ الهوى ..سامْعين..!
كَاْم مرَّه كانْ بَيْغيبْ
ولا يَعْتذرْ ويسيبْ
كلمه على بابى
يشرح لى فيها اسْبَابْ
بُعْده الِّلى جاب لى عذابْ. .
. وف يومْ من الأيامْ
بَان الِّلى كَان أوهامْ
فى حقيقه قودَامى
وساعتها قلتْ :..
أهُو راحْ ..!
يَظْهَر ماكان مَرْتاحْ
لوجودى فى كَيانُه..! .
. لكنِّى بِيْه مَشغولْ
وازاى يِجينى نومْ ..!
علشان جِنَاحُه ضَعيفْ
إنْ طارْ بعيد أمتارْ
يَسْقطْ ..يقاسى مَرارْ
طول عُمرُه ويْعانى. .
. وكأنْ عُمرِى ماكانْ
لِى ف قلبُه شوق وحنانْ ..!
ولا عندى شَئ يَرْضيه ..!
ولا حَسْ أحْضانى..!
ما عرفشى مَلت انا ليه..!
وكمان صَبَرت عليه
ف نْهارى وف ليلى..!. .
. غَدارْ عشان إنسانْ
مولودْ وفيه أحزانْ
حَفَرِت ف قَلبُه جروحْ
الطَّب قالْ:.. ماتِّطيبْ .
. ومدامْ ف قَلبُه الرِّيبْ
أصبحْ لُه قلبْ حديدْ . .
. كان حظى فيه ياناسْ ..!
والله عليمْ بالنَّاسْ
خلق القلوبْ ألوانْ ..!
وانا قلبى عُمرُه ماباعْ..!
جالسْ غريبْ لوَّاعْ..!. .
. دا خساره أبكى عليه
م انا ياما بُوستْ إيديه..!
لكن ما عَزَّ عليه
حِيرتى واشْجانى..!. .
. قالوا: ..
الدُّموعْ ما تفيدْ
اللى تركْ لى الإيدْ
ماسْكه جِمارْ وَلْعَه
طَبع الطَّيورْ غلابْ ..!
وانْتَ ما لكشى عِتَابْ..
رُوحْ يَلا وانْسانى. .
قصائد المعاناة