طــــفــــل الــــهــــــوى
قصيدة طــــفــــل الــــهــــــوى
. عظيم الحب ياجوره والا ينفع به التطبيب
يعيش ابغربة العاشق ولو فارق معاشيقه
ولو طال النوى صدق الهوى قادر على التقريب
يضم اهل القلوب اللي هواها صعب تفريقه
إثرك انت الوطن وإن غاب صوتك عيشتي تغريب
وإثرك اللي مزاج المغترب بإيديك ترويقه
ولو صوتك على قلبي يزيد الهم والتعذيب
علي اعذب من الماء لارتوى به من نشف ريقه
علي النفس لوامه سوالفها معي تانيب
خيال البعد لين اليوم تابى النفس تصديقه
انا وياك لو ندري عن اللي منكتب بالغيب
ابينا ذا الفراق اللي شبعنا بعده الضيقه
صحى طفل الهوى صوته الم ومعاتبه تذنيب
بكى حلم آمسنا اللي ماهنا له طعم تحقيقه
قريت ابنبرته بعض اسئله منها كفاك آتغيب
بغيت آقطف ثمر عذري لقيت آدموعي آتعيقه
آيا طفل الهوى دايم ظنون العاشقين آتخيب
وانا عاشق وفيت ولا وفى وقتي مواثيقه
سالتك كفني لومك عسى جرح الفراق ايطيب
كفى قلبي فراقك كم عثا بالقلب تحريقه .
قصائد المعاناة