قصيدة قصيدة توديعية للاخ الاستاذ \\ فيصل الرشيدان - والاخ المهندس عارف البلوي
. يبو حمد أرحب على العز والكار
ترحيبةٍ تدعي على حاسدينه
ترويقةٍ تهدا على عقْب إعصار
تشمل على كل الذي حاضرينه
يبو حمد والكل في مجلسك صار
في ضيقته أشبه بحالة حزينة
أشكي لك الحاصل على جمرة النار
واشرح لك المغبون من هو غبينه
عِشرة سنينٍ ما بها ضيم وإنكار
وضح النقا في دربنا قاصدينه
الليل يسهر بي على نجم الاشعار
والطرس يفهمني إذا فاهمينه
يا حبكة الشاعر ترى حبكة كبار
ماهو حديث العهد عايش حنينه
تعرفني العالم ومحتجت إشهار
دام الشعر منبر وصل بالغينه
الوقت يمضي والقدر يحصد أعمار
والدمع يشكي من كثر طالبينه
الضيق خانقني ومن ضيقته طار
أبيات ّشعرٍ عانقت خانقينه
الفرق حرّك داخلي فجّر النار
خلاّ القصايد توصل معارضينه
يا (فيصل) الاخيار والوقت دوار
مثلك (بمصنعنا) مافي منه بينه
مكتبك فاضي يشغله ضوء الانوار
ذكرى خيالك في محيطه رنينه
سمعتك بيضا يالسوي ما بها غبار
والعاذل المقهور يقطع سنينه
يفقدك (ربعك) ، (موقفك) ، (داخل الدار)
يفقدك من هو للوفا شاريينه
(عارف) غلاتك ما لها حد وأسوار
شخصٍ فرض نفسه وهم عارفينه
بتروح لكن خوّتك ما لها ضار
ما بعتها بأغلى جواهر ثمينه
هذي قصيدة نبعها حب وإصرار
حاجة بسيطه والشعر كاتبينه
وقفاتكم جزلة وما حولكم عار
ناسٍ على الخوه تشيل الغضينه
والله لولا الوقت مع ضيقة إحصار
لكتب قصايد في غلاكم ثنينه
يا رب جمعنا على الشوق تكرار
وإبعد بدرب الشر ناسه وعينه .
مرحبا بك يــا زائر في منتديات ابيان رجال العكيدات 
الوصول السريع
منتديات دير الزور