نديمي

نديمي

قصيدة نديمي

. نديمي مرحبابك كل ما اسدل ليلي ستاره
على صبح الهموم وطاري الضيقه وضيق الدار
ابي تقرب وتاخذ من خفوقي آخر اخباره
بعد ضاقت سريرة خافقي من كثرة الاسرار
ابشكي لك نصيبي فالزمان اليوم محتاره
بعد خيّب هقاوي فرحتي وارهى علي وجار
تعبت اركض وراه وكل مالاحت لي بشاره
بنو بيني وبين مزون خيره فالزمان جدار
انا صبحن جفاه النور وليلن قد طفى ناره
وانا حظن سريعه خطوته يوم العمر مشوار
أمر اقدار عمري فالسنين وتعلن الغاره
واعرف ان الزمن قاسي واعرف ان الزمن جبار
تجاريبي على الدنيا سلاح وخبرتي شاره
تقديني على خير الامور وأفهق الاخطار
كبيره زلة الدنيا علي والنفس أمّاره
تعبت ادمح واسامح وآعذر مير ان كَبْر الثار
جهلت اسباب ضيقي والزمن ما قدم اعذاره
صواديفي ( قهر ) وجروح صدري نزفها تذكار
نديمي لا تروح وخلني هالليل سمّاره
اسامر نجم حظي معْك واحكي لك وش اللي صار .

قصائد المعاناة