أبيات ،ابيان شربنا الهم من بدري

شربنا الهم من بدري

قصيدة شربنا الهم من بدري

. هنا واليوم بتغيّر وشعري ماهوب شعري
هنا بدفن أحآسيسي وبقتل حبي وانصاره
هنا بستودع المآضي معا تقديري وشكري
هنا بآقف على اطلال الغرآم وبمسح آثآره
هنا صفحآتي بطويهآ واجفّف بالسفر حبري
هنا آهآتي بكويهآ وبشعل بالألم ناره
هنا بجدد ايمآني وبتزاعل معا كفري
بآمن إن أحزآني تصير بيوم منهاره
هنا بقطع علاقاتي وبجري بالفلا بجري
هنا بمنع معاناتي وهمي بهدم اوكاره
هنا با شحّ باحساسي هنا با بيع .. / ما بشْري
هنا باكون انا القاسي واجفف حبي وبحاره
هنا بحرق بنيرآني وازوّد بالغضب جمري
وابيد احسآس من عقبه لقيت الناس غدّآره
تلاقينا .. وحبينا .. بعضنا وحنّا ما ندري
بإن الحب لو يصدق مضى بالكذب مشواره
تعادينا .. تراضينا .. شربنا الهم من بدري
وحنّينآ لطفولتنا وعمر ٍ يانعه ازهاره
وأحيان ان تزاعلنا أجي باشواقي وعذري
يِعَرْفِ بإنني دونه بشر مجهوله اقداره
تألمنا .. تعلمنا .. بإن الحب لو يغري
من الإعجاز لو يصفى وسماه تعاف أمطاره
ولا به غيره اللي هزّ صدري واغتصب صدري
وفرّح قلبيُ وجرّح كيانه وهدّ إصراره
وهلّت دمعتي فوق الخدود القاحله تجري
وصار الخدّ بستآن ودموع العين أنهاره
لذلك بخنق اشوآقي وبعلن ع الوله هجري
واعزّ النفس واكفيهآ شرور الحب واخطاره
وأيضاً بحتوي نفسي وبرفع شآني وقدري
وتلقى عزّتي نجمه بعآلي الكون نوّآره
وبنسى .. !! بسِّ لو مَرِّ الغرآم بخآطري يطري
بسوي كنّي ما أعرف ولا أهتم لافكاره
لأني غيييير واتفضّل تعال وفتّش بصدري
ودوّر .. وان لقيت شعور فيني هِمّ باحضاره
وانا بقْتِلْهِ تعزيراً وبنهي أمره وأمري
ولا بيهمني شخص ٍ ولا بسآل عن اخباره
وما باضيع لو دارت سنيني وانتهى عمري
لأني ما مشيت الا طريق ٍ قلبي اختاره .

قصائد المعاناة