أبيات ،ابيان قصيدة قلبـِك ما بيفتحشى لحـدْ

قصيدة قلبـِك ما بيفتحشى لحـدْ

. فاكره الحُب دا جاليك جدْ
أبداً أبداً
قلبك ما بيفتحشى لحدْ
قافله ببانه بميت ترباسْ
وان خَبَّطت اقفاله ترُدْ:..
شوفلك سكه غيرها ومدْ. .

. قلبك طبعه الحبل يشدْ
وعمره ماسيَّب حَبَّه لحدْ
يمشى بخطوة فيل ويدبْ. .

. قلبك ما بيرحمشى شطاره
يرمى كلام ف الصدر ويألمْ
يوم م دخلت وراكى الحاره
كان يوم أربعْ
عزَّ الصيفْ
شُفت القُله ف إيد الشيخْ
نازله بتهوى
شَجَّت روس
وكمان فيه كان واد متعافْ ..
قالوا من ناسكْ
أسمه –خميسْ-..
شَغَّل عَرْكه و كَسَّر فخْد
واتبهدلتْ ..
ورحت فطيسْ
واعلن ناطق من شباكْ..
لجيران ف البيت
هُدنه مفيش
روحت مَجَرْجَرْ نفسى مشيتْ. .

قصائد المعاناة