أبيات ،ابيان قصيدة أنتى الشمس

أنتى الشمس

قصيدة أنتى الشمس

. أنْتى الشَّمسْ ونَارْ جُواكى
قاعده بَتَحرقْ فَ اِّللى هَواكى
أنتى جديدهْ .. ولا بيغيرْ حَالِك سَنْ
وانا بشبابى قَرشْ مَصَدِّى وعقل مُسَنْ. .

. ده انتى بنورِك تَمْلى الدُّنيا
هَوى ومَشاعرْ ..عِطرْ وفُلْ
يازينة الكُّلْ . .

. أنْتى نَبِيِّهْ بفَكرْ يَرَنْ
وَزْن العقلْ ياروحى ده عندِكْ ..
يَوْزن طنْ
وانا فِ مْزَانِك بوزَنْ حَتَّه
ياطَعم التُّورته. .

. مَ انتى الحَكمهْ وراس الأَمرْ
و انا فَ الفَهمْ ضعيفْ مُختلْ
حافظهْ الَّسكهْ
واتُوه وحدى وعندك حَلْ
وانْ غرَّبتْ لوحدى خَطاوى
بعد شويه
أنادى عليكى وإلا انسل .

. عندى سُؤالْ ديماً عَلَى بالى
مينْ خَلاكى وانتى فْ عالى
تَرْمى لقلبى الشُّوقْ طَوَّالى..!!
واسألْْ نفسى بعد سُؤالِكْ:..
ليه بَتْجنَّنْ لما تَصُدى ..!!
وارجْع تانى إليكى أَحَنْ..!!. .

. ليه ياحبيبتى
نظرةْ عينى تملى تَسُرَّكْ..!!
وقَبل مَ اقولَّك عن أحوالى..
بتمشى تْمَدِّى
والْقىَ قلبى بيكى مشغول
ويجرى وراكى يقولَّك :..
هَدِّى ولا بتهدى
وكأنك عايزه مذلول
أهدى وهدِّى شويه ياحلوه
دا انا فَ الدُّنيا حزينْ بَتْألَّمْ
أصلى غَشيمْ ف الحُب الأولْ وانتى مَعَلَّمْ . .

قصائد المعاناة