إجازه يا شعر
قصيدة إجازه يا شعر
. كتبت الشعر لجل اوصف كلامٍ في خفوقي ذاب
كتبته مالي الا في ضميري نار مشبوبه
كتبته لو يجي ناقد يدّور فيه ما ينعاب
اجل مالوم لا قالوا حروفك حيل مرغوبه
إذا الشاعر بكم بيتٍ يحطوله كثير القاب
ويلقى صورته باول غلاف وتحته مكتوبه
أجل واشلون ما تبغي تشوف الشعر هو منصاب
أجل واشلون ما تبغي تشوف الساحه مقلوبه
أنا طبعي إذا فارقت أفارق أي شي بعتاب
وشعري آنا عاتبته وحان الوقت لغروبه
خلاص اليوم جا رفضي وفارقت آخر الاحباب
أجل واشلون راح اكتب قصيده دون محبوبه
مراكب هالزمن غرقى وبحارٍ بظنه خاب
زمن يجبر على الطامح من التغيير باسلوبه
زمن أقشر وطعناته تجي تفتك بلا اسباب
ويمكن مو غريبه اتشوف جاهل يلقى مطلوب .
قصائد المعاناة
مرحبا بك يــا زائر في منتديات ابيان رجال العكيدات 
الوصول السريع
منتديات دير الزور