يوم الموادع
قصيدة يوم الموادع
. يوم الموادع يا غلا ما قويته
ما قويت اودعك يا نور عيني
يوم قفا الخل بدموعي بكيته
امسح الدمعات براحة يديني
لو عندي بير بدموعي مليته
من فراقك زاد في قلبي ونيني
صدمة التوديع يوم انك حكيته
وقلت أنا باروح والحين اعذريني
احسب إنه جس نبض (ن) ما هقيته
يصدق التعبير والحظ يعصيني
انتظرت الخل في الدرب احتريته
مقصدي توديع من زوّد حنيني
لكن اللي صار عكس اللي بغيته
ما قدرت اودعه يومه وزيني
قلبي يوم إنه رجف قولي عصيته
وقلت له في حفظ ربي يا ضنيني
كلمة (ن) له غيرها لا ما عطيته
اخنقتني عبرتي .. يا عاذليني
قلبي المسكين بالفرقا كويته
ارحم اللي في هواكم من سنيني
زرعي اللي قد زرعته ما جنيته
يا غرابيل الزمن .. ليه تبتليني
الزمن غدار .. ابعد من هويته
حسبي الله يوم بيحني كنيني
من عقب ما كنت زهره وسط بيته
ضاع عمري وفي المقابر دافنيني
يحسبنه يوم صد أني نسيته
لك عهد ما انساك والله لي يعيني
يا الغضي قلبي بحبك قد بريته
حبك أغلى من الذهب .. حبك ثميني
يوم حبك بالمفارق ليه جزيته
بعد فرقاكم غدى قلبي حزيني
من عقب فرقاه دمعي ما غضيته
حبكم يا ذوق في قلبي دفيني
يا إله الكون لك همي شكيته
يا الله تيسر عقب هالعسر ليني .
قصائد المعاناة