شمسك يا فلسطين مش ممكن هتغيب
والمجروح فى جنين جرحه فى يوم هيطيب
بكرة الضلمة تنور والأيام تتدور
وترابك يتحرر م الموت والتعذيب
شمسك يا فلسطين مش ممكن هتغيب
والمجروح فى جنين جرحه فى يوم هيطيب
فى القدس وفى الاقصى بالجرح المجروح
ابنك صامد لسه وبيهديك الروح
لا هتفنيكى ابادة ولا أيام جلادة
دى البطن الولادة بتكفن وتجيب
شمسك يا فلسطين مش ممكن هتغيب
والمجروح فى جنين جرحه فى يوم هيطيب
استحملتى كتير غدر عدو الدين
وغلبتى الصابرين فى ضياع الغاليين
صابرة وقلبك باكى والعين مش شايفاكى
بس المولى معاكى عادل مش هيسيب
شمسك يا فلسطين مش ممكن هتغيب
والمجروح فى جنين جرحه فى يوم هيطيب
بالطفل المولود وسط الفدائيين
المطرود هيعود يمسح دمع العين
والغرب هيتعلم م الشعب اللى اتاْلمولا كلش ولا سلم لصحاب الألاعيب
شمسك يا فلسطين مش ممكن هتغيب
والمجروح فى جنين جرحه فى يوم هيطيب
دم شاتيلا وصبرا مش ممكن هيهون
مش هيروح م الذكرى فى الوطن المسجون
أرضك لسه غضبها بيعفر فى ترابها
مش هتسيبها اصحابها يستوطنها غريب
شمسك يا فلسطين مش ممكن هتغيب
والمجروح فى جنين جرحه فى يوم هيطيب
مرحبا بك يــا زائر في منتديات ابيان رجال العكيدات 
الوصول السريع
منتديات دير الزور