قصيدة أعذرك مجنوني
. واضح في شعرك حبيبي
واضح في نثرك
شمس الأصيل طيفك
وأنا أغرق في بحرك
تعذرني إن ما جيتك حبيبي
وأهمسلك في صمتي وقلبي يندهلك
إنت قمري – نور عيوني – إنت إجنوني
لولا سلامتي من أن أكفر بأهلي – هي فخرك
كنت جيتك أكحل عيوني بشوفتك
ويشهد الله العليم بحالي – وهو ستري وسترك
كن رحيم إبي حبيبي وارحم نفسك
النصيب هو إيماني وكلي يقين بعفتك
جفاي لك غرام – يشعل قلبي نار
ما يطفيها دجلة والفرات – إن ما كان المنبع نهرك
أعذرك حبيبي وانت تاج راسي بفعلك
اعذرك حبيبي ولو مشيت مثل المجنون بشعرك
اعذرك حبيبي وكيف انا معذرك ؟!
وانت اللي سهران تفتش بين لنجوم تشوف قُمْرَكْ
احبك حبيبي واطبع على كفي اسمك
رميتك بإسهام ما كنت اقصد بيها قتلك
ارى صورتي في عيونك
وايدي على حزام خصرك
وروحي تنازع روحك
أسمع أنينها ورأسي على صدرك
يجافيك سهر الليل
وصوت أنفاسي ساكن حدك
أجزع تمر العراق
وما أجزع تمر خدك
ولو أرغموني عل الفراق
أموت ألف موته وأبقى حدك
ماذا ايضير العقاب في جثه
روحها انتزعها حبك؟!
كأس الفراق ذباح
إن إختلط بحروف إسمك
ونار البارود طشاش
إن ما جاب جسمي بجسمك
لا تعتب علي راح
ينفث سمه في حجرك
هو كلب نباح
ووالدي حقاً يحبك
لو لفيته بشوفتك يرتاح
ويضمك لصدره ويشفك
هو رجل شوي حساس
وحسه شق توم حسك
قلبه حب رمان
والأصل من قلبك
إن شد اليوم – غداً يغدي يرخي
حبله فتيل نوار شبيه حبلك
لو فيه منه في ها الزمان
لنزل النصر من عند ربك .