قصيدة وش إلي يسليك
. لا صرت ما تلقى وش الي يسليك
مابين اشغالك وبين الحبايب .
. الليل يمسي بك ولا هو يمسيك
والشمس تظهر لك على كل غايب .
. والضيق شاريني ولو قال ما بيك
والحظ بايعني ولو كان صايب .
. تبكي لي النجمه ويصرخ لي الديك
وتلفحني الرهبة ولو كنت رايب .
. الهم يسهر بي ودايم حواليك
والشوق في قربك ولا له حسايب .
. أحيان من هو يسكن القلب يحميك
لو كان قلبك ممتلي بالمصايب .
. يعطيك من حبه ومن قلب يعطيك
يهواك في بعدك واذا جيت ذايب .
. كنه مثل (راحة) لكًن دوت تدليك
يسرق غلاه وفي تغليه هايب .
. من شافك بمجلس ما يمكن يعديك
ضربة لزوم يصافحك بالطلايب .
. تكرهني الكلمة إذا قلت بشكيك
والقاف لو يمدحك فيك انت (عايب) .
. لوكان عين الوقت تحتاج تفريك
غمضتها دونك ولا صرت خايب .
. حركت في قلبي مشاعر تناديك
وشبيت في عيني غياب وسبايب .
. عانيت من هجرك وإذا قلت يمديك
صبرت نفسي في هبوب الهبايب .
. يا كيف دمعي يتنثر بين آياديك
العين تدمع والحنايا لهايب .
. لا صار حبك ما حصل فيه تحريك
ليش المحاسن أصبحت لك خرايب .
. أرجوك إعتقني عسى الله يعفيك
اصبحت في بعدك ولا شخص سايب .
. لا صرت ما تلقى وش إلي يسليك
إطلب من إلي فارج للكرايب .