قصيدة الحكآيه
. يا حكاية شاعرن يعجز على وصفك كتابه
ويا حكاية شاعرن قرّب ذهآبه من إيابه
ويا حكاية شاعرن آسرع سؤاله من جوابه
يعكس الامر المبدا فالامور الثانويه
الحكايه كلها حول الانوثه والعذارى
الوحيد إلي يخلي آغلب العالم سًكارى
الحكايه ليلها آطول وآحلاهم سهارى
والله اني ما رقدت وشلتها ليله هنيه
من سروري قمت آبوّصف والوصف فن ومهاره
من يجيده قد وصل (قمه) ومرحّلة الشطاره
والوصف عندي على مبدا (تخصص) و (إحتكاره)
كلّها ثم كلها حازت على نفسي عطيه
شعرها فيه التماسك والتراخي والتماسك
كنّي آشوف (المعارك) و(الهدن) وآغلى (المناسك)
لو تهف بشعرها يقلب (جمادك) من (حواسك)
خصلةٍ من شعرها تسوى فعيني الشاذليه
الجبين إلي بياضه تحسده آكبر سحابه
رسمته من ربها طوله معا عرضه مهابه
يا (بري حالي) لا طاحت غرتن لو بالدعابه
حالتي وش حالتي ؟ خارج عقول المعرفيه
الحواجب مع جفنها كنها صوله وجوله
ما تجول إلا تصول وما تصول إلا فجوله
يرقد الجفن السهير ويسهر الحاجب ليوله
الملك يآمر وعبده نفذّ الامر المُهيّه
وش عيونه لو تشوفه تحسد إعيونك عيونه
رسمها رسمٍ دقيقٍ عذّب الناظر جنونه
عالمٍ يخلط قوالب يخترع نوعه ولونه
يكشف ان هالعين تفرق عن عيون آهل البريه
خشمها خشم الصقور إلي غدت من دون والي
طولها مع عرضها تآقع على وزن التوالي
فتحت الخشم الفريده للنفس آكبر مثالي
في نعومة هالخشم ما خذت في عمري هديه
فمها فيه الجمر من يلّمسه تلّدغه حرّه
لو حصلّك ما توّفر فمها آلفين مرّه
ريقها بين العسل يا ناس والتوت المفرّه
لهفة الجايع في آكله كيف لو كانت بنيّه
كن نحرها من بياضه يلمع اللولو ويبرق
صفوة الصبح المنقح يوم شمس الصبح تشرق
ريحة العنق الوحيده دون شورك غصب تسرق
حدها من خدها تقلب موازين البريه
يا مصيبه يا مصيبه في نهوده يا مصيبه
من طراوتها عجينه تآقف إوقوف الغريبه
كلّ نهدٍ من نهوده ناويٍ فيني عطيبه
وصفها زي قبةٍ في آعلى قصر البابليه
بطنها زي السبيكه من ذهب صافي وغالي
لو تشوفه ما تعوفه ترسم آحلام وآمالي
سطحته زي السماء لو يختفي منه همالي
في سنا سره عظيم القوم يبلاهم بليّه
مشيته مشيت (حمام) إلي على قولت (تمخطر)
من نعومة مشيها ارضي تباكى وإتذّمر
لو تمر بسوق تلفت مشيها كلّ النظر
شيخة إشيوخ البنات إلي على قلبي حليّه
صوتها آملس/سلس/يدخل فإذنك بإرتياح
لو يكون الهم في صدرك تقول الهم راح
وش آبو (نوره) و(رابح) وش (نوال) وش (صباح)
فاتنه تفتن ملوك آزمان وقرومٍ نديّه
يوم تجلس يا فهد كن الكراسي ما تبيني
والمقاعد تختفي فشمالي وإلا في يميني
كلها تطلب رضاه وكلها تطلب حنيني
جلسته جلست غزالٍ يحتري نومه شذيّه
وش آبوّصف في عرقها لو عرقها ما توّصف
ريحها ياخي تحس إنه مثّبت ما تعّصف
ما يفيد إنك تجيب العطر لو منه تصفصف
ريحها شمّه كما شم الورود الازهريه
يا حكاية شاعرن جاب الوصوف الاوليه
ما طرى لي وقت آكتب لك وصوفٍ ثانويه
كلها لعيون (بنتن) جتني من ربي عطيه
شاعرك باقي على حبك ولو طالت عليّه .