أبيات ،ابيان مُستحيل

مُستحيل
قصيدة مُستحيل

. مُستحيل .

. مُستحيل..
آه مُستحيل
دا الكلام هُوَّه الجميل
وان صَدق كان لُه دليل . .

. مُستحيل حتكون جرىء
زى طير يعلا ف سمايا
مُستحيل حتكون برىء
ده انت انسان فى النهايه
مُستحيل حتكون لى آيه
أوملاك ح يعيش معايا
مُستحيل حتكون شبيهى
واعمل أيه انا بالمَرايا. .

. عايزه حُب ..وعايزه احَب
عايزه حُب ينادى قلبى
يهزَّنى من قبل بابى
يحيى بالأشواق شبابى
عايزه شىء مخلوق عشانى
وان بعد يرجع لى تانى
أصل انا قلبى أنانى. .

. عايزه شىء صعب المنال
شىء يقرب م الخيال
صَمته هادى وفيه جمال
رقته تحرك جبال. .

. عايزه حُب
عايزه حُب وعايزه احَب
عايزه حُب اشوفه..احسه من بعيد
حب يشعرنى بسعاده
وكل م شُوفه يزيد
وان صادفنى ح القى عمرى
والقى نفسى من جديد. .

. بالمُختصر
يابَشر
عايزه شىء م المُستحيل
عايزه قلب ..عايزه قلب
قلب يحفظ لى هوايا
وهُوَّه دا أغلى مُنايا. .
قصائد المعاناة