قصيدة قصيده قديمه ( عيدك مبارك حبيبي )

قصيدة قصيده قديمه ( عيدك مبارك حبيبي )

. عيدك مبارك حبيبي صارله أربع سنين
ماأحس والله بطعمها حيثها مي من شفاك
ما أضمن احدٍ نطقها مثل مانتي تنطقين
كل حرفٍ من شفاهك ذاب من شذة حلاك
أذكر أول ما رأيتك يوم صوبي تقبلين
فز قلبي من ضلوعي ثم نطق والله ملاك
إيه أنتي من ملك أحلا جبين
يكفي لامنك ضهرتي غابت الشمس بسماك
كامله وربي مكمل زينك بعقلٍ ودين
ماأظن ان فيه مثلك بالبنى أو في صفاك
كم طعنت والله لجل أشوفك تفرحين
وكم سهرتي من ليالي لجل عين اللي هواك
وأذكر الموعد الاول يوم جيتي تركضين
تسبقين الريح لجلي ما تحسين بشقاك
جيتي وبيدك حاجه وأذكر انه وردتين
وردةٍ لليوم عندي وردةٍ دفنت معاك
ليت ربي ماخذاكي أنتي ياحزني الدفين
ليت دمعي بس يردك والله كل عيني فداك
كل يوم أرش قبرك من دموعٍ لك أهين
كن عيوني الله خلقها لجل تبكي في ثراك
كم شكيت أحزاني قلبي لكل طيفٍ لك يبين
وكم صحيت بليل موحش علني أسهر معاك
وكم عصيت اللي نهاني وقاللي دمعك ثمين
مادرى بانك عيوني ولاوفت والله لوفاك
وكم جلست أنظر لقبرك انتظر ربي المعين
ياخذالروح العليله لجل يسكنها معاك
امس أشوفك قدم عيني وسط روحي تسكينين
وهذي انتي مثل مانتي ما نزل قدرك هذاك
كيف أعيش العمر بعدك وانتي عمري والسنين
كيف أبهنا في منامي دون حضنك او دفاك
كيف أبكتب هالقصايد وانتي المعنى الدفين
كيف أوصف غير وصفك في حروفٍ ما تعصاك
كيف أقهويهم ضيوفي وانتي ذراعي اليمين
كيف أنادي أي شخصٍ وانتي صوتي مالفاك
كيف اعد نجوم ليلي وأغلا نجمه ماتبين
كيف أبضحك مع صحابي وانتي أفراحي بحشاك
كل ما سافر لديره وسط عيني تركزين
بكل ديار الله شفتك جعل ربي ماخذاك
وأدعو ياعالم معايا يرحمه ربٍ حنين
ويسكنه جناة عدنٍ ما بها أبداَ هلاك .

قصائد المعاناة