أبيات ،ابيان قصيدة يا يمه

يا يمه

قصيدة يا يمه

. يفيض الدمع يا يمه لذكري أسمك بشعري
بكيت بقهر زلزلني ودمع (ن) جارح ابياتي .

. لعنت الشعر وطروقه ولحن قاتل يسري
يموت الوقت واتمنى يعود الامس يا ذاتي .

. لاجل اخذك بأحظاني وأصيح بصرختي صبري
فراقي لك الا يمه تراه الموت وشتاتي .

. يقوم الشعر يبكيني بعصاه وصارخ عذري
توقف هيه يا شعري هزمت الشعر بأهاتي .

. لهيب النار بيديه وعذاب جهنم بقبري
يلافح كل ما فيني بهم ذابح عاتي .

. يا جنه تحت اقدامك فديتك ايه يا عمري
فديتك هلت دموعي من الاهات ما باتي .

. يا يمه هيه يا كلمه عشقها الخاطر بصغري
تبعثرني وتجمعني وتطلق جل صرخاتي .

. يا صرخه اطلقت زفره لاهايب أحرقت صدري
سمعها الاصقه واوجس صريخ اوجاعي وماتي .

. يا يمه ليتني الميت بصدرك ااه ياقهري
ياليت القلب تابوتي لاظمن بالحشى ووفاتي .

. يا اعمى شافني أجهر لهم نحته بجهري
جبال اركعت لله لحزن شافته تحاتي .

. يا بحر هاجت امواجه تلاطم بالجزر غدري
لاني قلتها يمه ( هي مااتت اه بسكاتي) .

. يا طفل شاب بأمهاده ويلطم بالعزى أمري
يضيع وضاعت أشجانه يتعكز ماخذ عصاتي .

. نجوم الليل تبكيلي وشمس انطفت مدري
خسوف كسوف يا دنيا لجمره بالحشى جاتي .

. لمحت حروفي تبكيلك تضيع ويختفي سطري
.حبرها يابس عروقي لشوقي لمر ضماتي .

. جروح بالحشى تنزف لجرح اكتبه قدري
جعل يومي ولا يومك اذوق احزانك بذاتي .

. يا يمه ايه يا يمه يا بسمه تسري وتمري
يا يمه يا وشم بروز كفوفي ثم راحتي .

. تعالي اقرب قومي تعالي نامي بصدري
تعالي كيف احوالك وش اخبارك يا لوعاتي .

. تشوفي دمعي بعيني تشوفي حالي المزري
تراها وصف لحالي لارحتي أعلنوا وفاتي .

. يفيض الدمع يا يمه لذكري أسمك بشعري
بكيت بقهر زلزلني ودمع (ن) جارح ابياتي .

. لعنت الشعر وطروقه ولحن قاتل يسري
يموت الوقت واتمنى يعود الامس يا ذاتي .

قصائد المعاناة

مسموح

قصيدة مسموح

. اللي ملك له في خفوقي مساحه
وقربه يرد الروح مع طلعت الروح .

. يسعد مساه ويسعد الله صباحه
وعسى السعد مع ما كتب له على اللوح .

. بقول له كلمه بعرف وفصاحه
مسموح والا ماني بمنه مسموح .

. اما خفظ وقتي لقربه جناحه
والا عسى صوت المشاريه مبحوح .

. لا صار مال القرب فرصه متاحه
وش له ؟ نجي مع درب الاشواق ونروح! .

. و"البعد" يارتم الهواجيس راحه
مع مصطلح اقرب على غير مصلوح .

قصائد المعاناة

قصائد المعاناة

اليوم وصله صـار بالعـام ساعـه .. !!

قصيدة اليوم وصله صـار بالعـام ساعـه .. !!

. العام اشوفه ثم اقعد واحاكيه ..
واليوم وصله صار بالعام ساعه .. .

. قولوا ترا لونه بعيد بأجيه ..
عندي لبعده صار فيني مناعه .. .

. ساعات اهوجس واحسد اللي حواليه ..
ياحظ منهو بين ذيك الجماعه .. .

. ابو عيونن فوق حسنه تحليه ..
ولا خدوده نور يطغي شعاعه .. .

. اثمر بخده ورد من دون ساقيه ..
الحسن فيها اصل ماهو زراعه .. .

. اسمه عزيرن في حياتي واناديه ..
يطرب خيالي يوم يطري سماعه .. .

. العمر فدوه ياعسي العمر يفديه ..
افرح فوادي بعد ضيق اتساعه .. .

. ياجعل ربي حق عيني يخليه ..
لانه حيات العمر مدري متاعه .. .

قصائد المعاناة
قم بالدخول لتعلق.
اشهد ان الطيب ياماجد وهايب

قصيدة اشهد ان الطيب ياماجد وهايب

. اشهد ان الطيب ياماجد وهايب
ماتميزبه قبيله عن قبيله
والله اني من عنا الطرقات تايب
لين عينت الشقردي والدليله
قد هقيت ان الرجا ماله سبايب
عملةٍ في عيني امست مستحيله
احسب ان الجوف تنجضه اللهايب
لين عل الكبد صافي سلسبيله
احدٍ يبوج المخاطر والصعايب
متعبٍ رجله على كسب الجميله
واحدٍ مسلط على عقد النشايب
ماكسبها لوبكفه تستويله
ياهل الماجوب صدقان النوايب
من لايثني بالوفا يطوى شليله .

قصائد المعاناة
قم بالدخول لتعلق.
كارثة جده 8 /12 /1430

قصيدة كارثة جده 8 /12 /1430

. مشكله ما بداها غير شخص ٍ غشيم
لو دراء بالنتايج كان ما قد بداها .

. حسبي الله عليهم ما بهم من حكيم
يحسب حساب دنيا ما عرفنا مداها .

. والضحيه مواطن..... والضحيه مقيم
والأمانه .. خيانه عالياً مستواها .

. لا سدود ولقينا ...... لا مخطط سليم
وين راحت فلوس القايد اللي عطاها .

. والله... إن الربوع اللي تعداء أليم
لكن أقدار ربي حاصل ٍ مقتضاها .

. يا أهل جده عليكم رحمة الله تقيم
ويا قويزه ثياب الحزن صعبه كساها .

. الشوارع غشاها ليل جداً عتيم
والمباني ظلام الليل غطا بناها .

. وكن به صوت يصدر مثل بيت ٍ قديم
تلعب الريح وسطه لين يظهر صداها .

. ورتعش كل جسمي يوم شفت اليتيم
ماتو أهله ولاكن الجثث ما لقاها .

. ريحت الموت حالت دون ريح النسيم
وكل نفس ٍ سرت في حثلها من عناها .

. ووالله إني سريت وبي عظام ٍ هشيم
يوم شفت المقابر زاح عنها حصاها .

. مشكله لو تناقش حار فيها الفهيم
صعب يلقاء جواب ٍ يوصله منتهاها .

. يالله إني طلبتك يا غفور ورحيم
ترحم أموت جده ثم تحسن عزاها .

قصائد المعاناة
قم بالدخول لتعلق.
لولاي

قصيدة لولاي

. لولاي أقدر هاجسي واحشم البيت
ويهمني حرفي وأحسّب حسابه
ولولاي اعز اللي دعاني ولبيت
ذاك الشعور اللي نزفني صوابه
أن كان لدروب الشعر ماتعنيت
ولاتكلفت اجتهد بالكتابه
كنت احسب اني لاكتبته تشافيت
واثري أزيد طعون قلبي وعذابه
من يوم ماذقت التعب منه صديت
وطاح القلم واحرق شعوري زهابه
ماعاد ياغاده على الشعر حنيت
من يوم راح اللي عزيزاً جنابه
كتبت لعيونه قصايد وغنيت
يومه معي حضن القوافي دفابه
واليوم من قفى أنا بعده أقفيت
والحرف من فرقاه ماقال جابه
حاولت أبنسى بس حاولت وازريت
غايب عن عيوني وبلشت بسرابه
عايش بي الهاجوس لو كنت سجيت
تطردني الذكرى لياحد بابه
أسهر وقبل اعيش حلمي تمنيت
ليت اللذي عن عيني أبعده جابه
ليته يجي ويشوفني كيف عانيت
ووشلون احبه حيل واعشق ترابه
ليته يحس اني من البعد مليت
ويشوف ويش سوى بحياتي غيابه
وأبقى على ليته وعله وياليت
لين الشروق يشق صدر السحابه
وأفتح عيوني احسب اني تشاويت
ولاشوف قدمي غير وجه الكآبه .

قصائد المعاناة
تعليق واحد
خفايا البحر

قصيدة خفايا البحر

. بين احتكام الظروف وبين وجه الفقر
علاقة حبلها مع الليالي قوي
ان غاب ولد البطن ماغاب ولد الظهر
بالميسم اللي على كبدي كواني كوي
اذا اشتكينا قهر واذا سكتنا قهر
وظروف الايام منها الحال شبع وروي
ولا بان نور الصباح ولا تهيا سفر
عزالله انه طواني هم قبلي طوي
والدرب موحش وصعب وناطح له وعر
حتى الخوي في زمنا قل ناجد خوي
على طريق الخطر وطيت درب الخطر
دليلة القوم في ممشاه تاه وغوي
واللي على السيف مايعرف (خفايا البحر)
والذيب من حر جوع الليل قام يعوي
واصحابنا اللي ذخرناها تلد النظر
كنْها تقول المكارم غصنها منذوي
لكن زمان التجارب منه نأخذ عبر
نسلك طريق السماح ونترك الملتوي
والوقت لاما قرصنا مالنا الا الصبر
اما وطينا الجمر ولا كلتنا الضوي
يامدورين الفخر في غير موقع فخر
إنجومكم لاتعود للطمان اتهوي .

قصائد المعاناة
قم بالدخول لتعلق.
يا مصعَب الجرح

قصيدة يا مصعَب الجرح

. العِذْرِ لاخطيت ، عُذراً مايواسيني
مايكفي العِذْر/ جَرحِك غاير ٍحَدِّه
استصعب الجرح منّك ، ليه تدميني؟
يامصعب الجرح من قلبٍ سِطا وِدِّه
لاضجّت الآه منّي/ ليت توحيني
آهات ليلي ، تعدّي بي وانا اعدّه
شفت الورق ملّ دمعي مايراعيني
مايمسح ادموعي لاسالت على خدّه
والضيق عقبك تماهى بيني وبيني
آخاف يفضح وقلبي وين والشدّه
والليل عيّا يسافر بي ويحذيني
مْن السّما نجم يحملني على يدّه
والحزن ثوبه شحذته قلت: يكسيني
مامدّ لي الحِزن إلاّ اسمال ممتدّه
أوّاهِ منّي وآه منّي وفيني
لاجيت ادوّر مناسم للنِّفس سدّه
يالحزن مالك ومالي ليه تِرديني
مذبوحة الشوق والتبيين في صدّه
شبّاك قلبي قفلته لاتعرّيني
والطير الابيض ذبحته من نوى الهدّه
أقفيت جرحي بيديني ، شايل ٍ ديني
لاتسأل الجرح عنّي واسأل المُدّه
والدمع لاطاح من عيني فَمِن عيني
لاتتعب القلب تنشدني وانا اردّه
وان كان لي بالقوافي حرف يعنيني
فاحروف شعري يتيمه غايبٍ جِدّه
آخذت منها ظماها مارتوى تيني
يَبْسَتْ غصوني وروحي مانِشا جَدّه
أعميت شوقي وماتت بي شراييني
مات الّذي مات والإحساس مامَدّه
يالحزن يكفي وحَسْبك ،حزن يكفيني
لاتفتق الصدر واستر جَرح ماودّه
والعُذْرِ لاخطيت ، عُذرا مايواسيني
مايكفي العُذْرِ/ جَرحِك غاير ٍحدّه
استصعب الجرح منّك ،ليه تدميني؟
يامصعب الجرح من قلبٍ سطا ودّه .

قصائد المعاناة
تعليقان
مخطوبه

قصيدة مخطوبه

. عسى الله يدمح سنينٍ مضت لي ويدمح خَطاها
وعسى الله يبيحها وينوّر المعتوه لدروبه .

. لِفت يوم الفرح شفته لفاني وسط ملفاها
وقفّت / والفرح صد بعيونه والتّفت صوبه .

. ابد ما كانت حاسبها ولآني حاسب اقفاها
ياليت الموت لافيني قبل لا تَقول : (مخطوبه) .

. سِكت كل الكلام اللي بقوله واسمع ابكاها
كأن الدمع يحكي لي : قسم بالله مغصوبه !! .

. حواني الصمت حتى الصمت ينطق عني ابغاها
بغاني الحزن يوم الوقت فرّق دوبي ودوبه .

. يابدر اللي قضيت احلى ليالي العمر ويّاها
غدت مني لَ نصيب الغير واللوعات مسكوبه .

. تقول إنسى نساني الله إذاني فَ يوم انساها
وأبقى بَحبها لو هي / لَ غيري اليوم مكتوبه .

. قسم باللي خلق حسنه وانا اللي ما تعدّاها
اببقى مثل ما كنت بغلاها / ولا أعلن التوبه .

. كِذا ب آعيش عمري وسط صورتها وذكراها
بسيطه ضيعت ايامي إذا الأحزان محسوبه .

قصائد المعاناة
قم بالدخول لتعلق.
بأعلن رحيلي

قصيدة بأعلن رحيلي

. يقول بن شحبل إذا صار ما صار
بأعلن رحيلي عن ديار المصايب
بأرحل إلى ديرة أباضاي بشار
ولد الأسد حامي جميع الحبايب
يا سوريا جيتك على أحر من نار
ومن فارقك يا سوريا صار شايب
أنا أشهد إن الزين للزين قد جار
والشين دايم مع جميع القرايب
الجو يا أهل الشام من عندنا حار
والوضع ما يسمح بهب الهبايب
اللي يحصل فرصته ما هي أخبار
لا تترك بلاد الشام وهذي طلايب .

قصائد المعاناة
قم بالدخول لتعلق.
تمنيت الفرح يقبل

قصيدة تمنيت الفرح يقبل

. تمنيت الفرح يقبل علي وفي يديه زهور
ولكن الزمن حالف ما يهديني سوى اوجاعه .

. ذبلت وماتت ازهاري وانا توي أشوف النور
وحسيت الأمل شمعه تذوب بنفس ملتاعه .

. صبرت وضاق بي صبري وانا بقيد القهر والجور
نسيت الليل واحلامه ووجه الصبح واشعاعه .

. أشوف الدنيا ذي ظلمه وقلبي داخلي مذعور
وكياني بيت متهدم وروحي أم مرتاعه .

. واشوف الكل يحسدني وانا احساس احتضر مجزور
يظنون اني بفرحه واذوق الشهد بانواعه .

. حسافه ضاعت ايامي وانا من شيخ الى دكتور
ولا حصلت من صبري سوى ذا الهم وصداعه .

قصائد المعاناة
قم بالدخول لتعلق.
عقد الكلام

قصيدة عقد الكلام

. إنحلّ عقد الكلام وطاحت احروفه
ماضَلّ عندي حروفٍ تِكْمِل القصّه .

. كل مانويت الحديث وزانت اظروفه
وارخيت حبْل السوالف ينعقد ب اصّه .

. ياصدر وسط الزحام وتكّتِه خوفه
حذرك على قلب بينك ع الصبر وصّه .

. يطروا عليّ وبياض الصّبح ماشوفه
ماكنّي اللي رحلت بْ ليل بي غصّه .

. وماكنّ ليل المسافر شذّ معروفه
قصّ الطريق الطويل وْجَرحي ماقَصّه .

. حزني عرفته عفيف ومضمرٍ أوفه
وان شرّع اليوم صدره بان في نَصّه .

. ماضلّ عندي حروف اتْشلّ مظروفه
من طاح عقد المعاني وانكسر فصّه .

قصائد المعاناة