أبيات ،ابيان قولى ياليل آكون أمير فوق ضهر خيل..؟

قولى ياليل

قصيدة قولى ياليل

. قولى ياليل
قولى ياليل
أيه السبيل ..؟
علشان أخاطب ودها
وازاى اعيش شادى بنشيد ..؟
جوه ف حكايه بحبها. .

. قولى ياليل
آكون أثير من غيرجناح ..؟
فاقدرأطير..؟
وادخل سحاب فيه روح مهاد..؟
وانسج لى عش يضمها..؟ .

. قولى ياليل
آكون أمير فوق ضهر خيل..؟
واطوى البلاد ..؟
واروح هناك..؟
وان كان سباق لجل اللحاق
اخطف حبيبتى وافوز بها..؟. .

. قولى ياليل
ليه كل ليل
باقعد كتير وياالنجوم ..؟
وانده خيال..؟
يرسم لى ورده بشكلها..؟
واختار نجوم منقاده نور..؟
علشان تنور دربها ..؟
واتمنى اكون نسمة صباح.. ؟
فيها انشراح ..؟
وازور يوماتى خدها..؟ .

. قولى ياليل
ليه ف السجود..؟
بافضل اقول:..
ياربى طوَّل عُمرها ..؟
وان كان لى عُمر يروح لها ..؟ .

. قولى ياليل
ف كيانى سيل دافى ويسير
وحبيبتى بَصَّه ع المطر..!
وبتجرى ليه ..!
هيمانه فيه..!
ولحد فينْ..! .

. قولى ياليل
دا انا باحتضر..!!! .

قصائد المعاناة