في دهاليز الشقا قصيدة في دهاليز الشقا . الله اكبر يا ظروف (ن) عاكستني

في دهاليز الشقا

قصيدة في دهاليز الشقا

. الله اكبر يا ظروف (ن) عاكستني
الله اكبر كيف دنيانا تخون
كل ما عدلت مايل داهمتني
وارتكت لي بكل درب (ن) به اكون
وكل ما حاولت اصالحها اهجرتني
انفضت يدها وقالت من تكون
جيتها كلي محبه واطردتني
قلت يا دنيا كفايه هالجنون
احرقتني في حياتي وزهقتني
الحزن والهم فن (ن) من الفنون
ما بقا فيني مكان (ن) ما اطعنتني
نارها في الجوف غابن ومغبون
ارهقت نفسي جروحك شوهتني
كل جرح (ن) في فؤادي بألف لون
صمتها لو طال ما يعني نستني
العواصف دوم يسبقها السكون
ما لقت غيري تهده واكسرتني
القساوه طبعها وقلبي ليون
اه يا قلبي تصبر لو كوتني
ما لك الا الصبر وكل شي(ن) يهون
اه يا دنيا جروحك ضايقتني
واتعبتني كل هذيك الطعون
كل ما قلت السموحه كدرتني
وزادت بأخذ الحبايب والحنون
عاكستني بكل ظرف (ن) وارهقتني
واشتقيت بنارها ودمع العيون
شاغلتني بكل هم (ن) واشغلتني
ما نستني لو دقيقه من الظنون
لو بغيت انسى هموم (ن) اهلكتني
احلفت دنياي تسكب ماء الجفون
في دهاليز الشقا دوم اجبرتني
وين من هم يعدلون وينصفون
بعدهم كل السعادة فارقتني
والحزن غرد على ذيك الغصون
بسألك يا خالق هموم (ن) نصتني
يا اللي امره بين كاف وبين نون
تبعد هموم الليالي اللي قهرتني
وترحم عيون (ن) بكت مثل المزون
آيه في محكم كتابك صبرتني
لا هموم ولا ولا هم يحزنون .

قصائد المعاناة