قصيدة الله معك
. الله معك
الله مع إلي شافك
مع إلي كحلْ عيونه بترابك
الله مع إلي سعدْ بصباحك
مع الشمس إلي علتْ
مثل التاج فوق راسك
ومع الندى على صفحة جبينك
الله مع الريحان يعطر ثيابك
مع الغيمات
ترسم صورة تلاحق ظلك
مع السما تلون عيونك
و مع الأرض فيها سنابل شعرك
الله مع النبعة بحنانك
مع البحرة فيها رشفة من ريقك
الله مع النسمات تنعش روحك
و مع الدفا بلحظة شتا لدياتك
الله مع النهار ما يحلى إلا بأنفاسك
الله مع الفجر
مع الظهر
مع العصر
نصليهم ببيتك
و الله مع المغربيّة
الشمس نامت
ساعتها بأحضانك
و خيوطها هدهدت
مثل الطفل على اكتافك
الله مع العشيّة
مع قيام ليلك
مع الوتر
مأخر لقبل الفجر
الله مع الركوع
مع السجود بالأول قدامك
الله مع ترابك
مع حجارك
مع سوارك
و الله مع الورد
مع الشجر
و الزيتون
مع التين
مع الزعتر
مع الثمر
الله الله مع إلي شاف
إلي شافك و أجى شافك
الله مع عتمة الليل
القمر فيها زارك
مع النجمات تبرق مثل
حبات اللولو
ورى بسمة شفافك
الله معك
مع صمتك
مع همسك
و كلامك
الله معك بصحوك
و بمنامك
بأحلامك
و آمالك
الله مع بيتك
مع شبابيكك
مع بوابك
الله الله يعمّر ديارك
الله مع أولادك
أطفالك و رجالك
الله مع إلي انحنى ظهره عشانك
الله مع إلي لملم أحبابك
مع جيرانك
الله يا الله يحرس شبابك
الله مع إلي نقش أسمك
للتاريخ عنوانك
الله مع ثوارك
الله مع الفارس
عريس على ظهر الخيل
زفته أمه بساحاتك
الله يا الله مع الثائر
ضغط ع زناد الباروده
زغردت فيها رصاصاته
بليلة زفافك
الله مع الختيار
تمنى ينزرع تحت زيتونه متل
بذرة تحت ترابك
الله مع صخرة من الجنة
تربعت تحت قبة بوسط حيطانك
الله بالقرآن زين سماه بمسراك
و معراجك
الله معك و بيت الأنبيا دارك
الله معك مع قيامك
و مع جراسك
الله يا قدس مع هلالك
الله يا وطن معك
الله معك و مع صلاحك
و بسم الله زهرة و شبل
نرفع راياتك
الله الله يا بلد يرجع مفتاحك .
مرحبا بك يــا زائر في منتديات ابيان رجال العكيدات 
الوصول السريع
منتديات دير الزور