المرايا
قصيدة المرايا
. اقتلي فيني غرورك وبغرورك اقتليني
احرقي عزة كياني دام هذا مطلبي .
. انثري فيني عذابك وان بغيتي عذبيني
العبي هذا شعوري في شعوري العبي .
. في ثرى حبك خذيني بنار حبك احرقيني
والاّ تدري عذبيني مثل ما انتي ترغبي .
. عذبي روحي وقلبي كثر ما انتي تحتويني
كثر حزني من غيابك في وجودك عذبي .
. دام انا عايش بقلبك وبعيونك تحتويني
لجل عينك ما يهمني لو يسموني غبي .
. نفسي ابقى في حدودك علّي اتناسى انيني
نفسي اشرب من يدينك ومن يديني تشربي .
. نفسي اسمع كل همسك وانظرك قدام عيني
غير حبك في حياتي والله اني ما ابي .
. والله انك من تغيبي ما احس الروح فيني
ما اشوف الا خيالك في زوايا مكتبي .
. ادري انك في غيابك ما نسيتي تذكريني
مير بعدك عن عيوني مايحقق مأربي .
. ذكريني بيوم عيدك واحرقي الشمع بجبيني
واجعلي عيوني مرايا واكسريها لو تبي .
. والعني صمت الليالي وادفني قسوة سنيني
وافتحي دفتر حياتي واكتبي اللي تكتبي .
. اكتبي عن نار بعدك عن عذابي عن حنيني
عن زمن عشته بدونك ما تحقق مطلبي .
. ما تموت ايام حلوة سرها بينك وبيني
لو خسرت العمر كله يكفي انك مكسبي .
قصائد المعاناة
مرحبا بك يــا زائر في منتديات ابيان رجال العكيدات 
الوصول السريع
منتديات دير الزور