الشرف فوق الملايين
قصيدة الشرف فوق الملايين
. يا الله يا اللي لك عبادك خضوعين
يا من عليه اليوم اشكي عنايه
يا واحد(ن) فرداً صمد ما له معين
يا موجه(ن) خلقه لدرب الهدايه
هرجي كثير ولا يكفيه سطرين
وهمي ثقيل ولله ابدي شكايه
بشرح ظروفي وكل شين يبي يبين
وبصرخ واقول الجرح بقصا حشايه
بكتب حروف (ن) حبرها دمعة العين
بكتب وأقول اللحين هذي البدايه
يا من تدنس بالشرف وحلة الطين
القذف عندك مثل لبس العبايه
جردتني من الشرف يا المسيكين
يا الله عليك اليوم أول ندايه
هذا الشرف ما يختلف فيه شخصين
غالي وأغلى ما يشيله حشايه
الناس تحكي في حدود القوانين
حسبي عليك اليوم وشهو خطايه
حكمك ورد في (سورة النور) يا شين
أقرا وتمعن حكم هذي الجنايه
ربي حكم بالجلد وجلدك ثمانين
وشهادتك ما تنقبل بالنهاية
يا خاسر(ن) ثنتين دنياه والدين
يا عاشق (ن) قول (ن) يسمى الوشايه
يا شمتت العذال وفرح الحسودين
يا سعد من هو الحقد عنده هوايه
ادعي عليك اليوم والناس ممسين
يا من تزيد القول وتروي روايه
نفسك خسرت وعزتك دستها اللحين
وش تستفيد من الحكي والوشايه
ما لك كلام اليوم حنا حشيمين
حنا لشرفنا تخفق الفين رايه
وحنا ترانا من كلامك شريفين
مناب من اللي يرغبون الدعايه
من روعتي قمت اصفق اليسرى بيمين
طعن القفا يا ناس سبة بلايه .
قصائد المعاناة
مرحبا بك يــا زائر في منتديات ابيان رجال العكيدات 
الوصول السريع
منتديات دير الزور